ابوذيات دارمي

الابوذيات
..........
ما تدري بدليلي اشكثر عالاي
عليك وكمت اصيح بصوت عالاي
بطلوع الشمس ذكرك يعن عالاي
ومن تغرب يخون الصبر بيه
..........................
هل العشره يلاهي دمهلينه
وعليها من البيابي دمهلينه
على هونج يدنيه دمهلينه
مدام اصغونه طبكن سويه
........................
النوايب يرون كلبي ولا ساف
صبور ولا رمح رده ولا ساف
جلد ما لذ بلحسره ولا ساف
بسبيل العز عليه سهله المنيه
..........................
هذا زنجيل من الابوذيه
.........................
طرفي سهر بس الك وحياة عينك حي
لا منزل يطيب عكبك لا بمدينه وحي
لمن رسولك يجي انهض ومرحب وحي
الهج بطرواك ليلي والفجر وضحه
ومعلوم حبي الك دمعي اليهل وضحه
عندي تريد شوفتك عيد الفطر وضحه
وبمحادثتي وياك جن نازل عليه وحي
................................
...........................
دارميات

شحجي وشكل للناس من ضيمي شحجي
مختنك بالعبرات بس احجي لبجي
........
ما عندي عشر كلوب بس كلب واحد
ايصير اوسع من الكون لو ولفي كاعد
.........
روحي الغريبه الليل خيم عليها
منك حبيبي تريد طارش عليها