منتدى الطوف
منتدى الطوف يرحب بكم , ونتمنى ان تقضوا اطيب الاوقات في المنتدى...,,,,,

قصيده مشتاق

استعرض الموضوع السابق استعرض الموضوع التالي اذهب الى الأسفل

قصيده مشتاق

مُساهمة من طرف الطائر المهاجر في 2012-05-28, 12:02 am

الماي بلا عطش ماينحسب ماي
ويحله هواي لجله شما عطشته
الكه منين مثلك يشبه الماي
واجيبه منين بالله اليحجي سكته
تعال وخل اكحل عين الايام
واردن عالكحل وامسح كحلته
وتعال وخل رجع للشمس لون
واردن للكمر منك ثلمته
تسودن كلبي مايحمل بلياك
ودكته اتغيرت موذيج دكته
فطمته تورطت مااصبر عليك
عليك اتندمت لمن فطمته
من طولك خذت مايكفي العيون
هسه تريد تعتب عالأخذته
اعتب عالذهب والفضه والماس
والياقوت اخذ منك لمعته
وجي مشتاكلك سموني مجنون
والمجنون اعقل مني شفته
ابوسن بالهوه المن بيتكم جاي
ولو ينشبك صدك جاشبكته
اصفن عالبحر من يجفل ارتاح
جي يمكن لان تشبه صفنته
وما أكلك احبن هذا لوذاك
احب غيرك صحيح وتطلع انته
على الحب العفه لو مااراضيك
ويعذرني الفرح شلي بضحكته
ومو كلمن يصفك يعني مرتاح
أكو بنص الحزن تسمع صفكته
بيه الصوج ادري وآنه غلطان
ولازم عالغلط يدفع غلطته
انته الماي عندي شلون اغص بيك
لتصدك اعيش بلايه انته
لتصدك اعيش بلايه انته

الطائر المهاجر
عضو مجتهد
عضو مجتهد

عدد المساهمات : 199
تاريخ التسجيل : 26/07/2009
العمر : 29

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى