منتدى الطوف
منتدى الطوف يرحب بكم , ونتمنى ان تقضوا اطيب الاوقات في المنتدى...,,,,,

سبع الكنطره

اذهب الى الأسفل

متميز سبع الكنطره

مُساهمة من طرف Admin في 2009-10-31, 7:33 pm

 سبع الكنطره...بيني وبين ابي الفضل ع كلمات تشرفت بلقائه 
ياهو الشاف عباس البطل من غار
بالطف والنواصب حالهم طشار
فارس والفراسه العنده اصلهه منين
جايبهه من ابوه وجعفر الطيار
كافل زينب اسمه وهمه عالو بيه
واخته الزهره جنهه وكربله البسمار
ماظلت زلم ساواهه وي الكاع
مشدوهه الزلم موحكهه من تحتار
كلشي ولاعلي وانوب اجه العباس
طبلهه وخبطهه ودوهن الكفار
يحلفون بعلي يمكن علي الخيال
صاعد على الغيمه وبيده ذو الفقار
حيدر هذا اجه؟؟اي حيدر اعله الغيم
بس ياهو الوراه عباس لوعمار
لاعباس ..يمكن جايب العباس
لو كرار هذا وجايب الكرار

عباس البلطف لوحيدر

موكرار كالو يمكن العباس
بس يشبه علي والطاس نفس الطاس
فاطم اسم امه شلون خاف حسين
غير نموت كلنه لوطلع عباس
طراهم مثل؟؟بعد امي طرة ذيب
عباس وبعد بيمن بعد ينقاس
اول لونخيته او اسرع من الصوت
كاس الغيره هوه وهوه جاب الكاس
امعزب؟ لووكف..يكعد صدر ديوان
سهمه من الخصم معروف بس الراس
طبلهم مثل ماطب علي بصفين
واول ماخزرهم ناس ردمت ناس

يابويه عباس البلطف

اي عباس اكلك والدليل جفوف
ظلن عالشريعه يلولن اعله الخوف
العباس مغضب واسمه يضحك دوم
يركض للمنايه بواهس الملهوف
والعباس عباس الشمس لو كام
وين تروح زينب هوه يمهه يطوف
شحجيلك بعد عباس بس عباس
مثله يشيل اصبعه تطيح حدره سيوف
غابه الكنطره وطبلهه طبعا صار
سبع الكنطره وبالغابه ظل يحوف
ظل يجيب وين البيه تغص العين
ويصطره اعله عينه وعينه الاخره تشوف
عد غيره الزلم مبنيه للمجهول
بس عده الزلم مبنيه عالمكشوف
خط احمر عليه جان الفرات وراح
لوه خشم الفرات وجابه الك مجتوف

لو اذبحك لوترضي سكينه

سواهه وتنومس والسهام شهود
لاذن بالعيون ورون من الجود
اخوزينب بعد واتصور انت شلون
زينب من تندبه شلون عنهه يذود
جائز لوكلت معناهه عدنه يجوز
وعد عباس تعني بروحه الهه يجود
يحسب بالزلم ظل عشره عشره اطباك
ويكلهم بعد والعشره عشره تزود
يمته يعود لاخته انه اكلك عود
من تكظي الزلم لاخته بعكلهه يعود
موياهو الاجه وكال انه بين غاد
بس عباس كال انه وطلع موجود
هذا حسين كلهم وانه هذا اوياه
ياهو العين بينه وياهو بينه ازنود
عباس الحسن وحسين والعباس
رفعة روس اخوته وسيفه بجه حيود
كلهه جفوف عدهه ومن وكف عباس
صار جفوف كله وكلهه بس خدود
حطهم بالسره واليفك حلكه اوياه
باليمنه اعله حلكه وفنه يحجي اردود
اكباله الوكف مات وبيه بخت من مات
واليشرد يجتفه وبيه يرد مكيود
راس الموت جابه وغاد ذب الموت
كله الراس اليه وانت حك الدود

كص راس الموت وشال ايده

Admin
Admin
نشاط العضو
نشاط العضو

عدد المساهمات : 584
تاريخ التسجيل : 31/05/2009
العمر : 22
ساكن في : الغربة

http://float.yoo7.com/

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى