منتدى الطوف
منتدى الطوف يرحب بكم , ونتمنى ان تقضوا اطيب الاوقات في المنتدى...,,,,,

عتاب لنهر الفرات

اذهب الى الأسفل

جديد عتاب لنهر الفرات

مُساهمة من طرف Admin في 2009-10-31, 8:10 pm

يُعاتب الشاعر في هذه القصيده نهر الفرات
لتخليه عن الحســين (ع)
وهي تصوير مؤلم لواقعة الطف




شلون تجري ومايك ازركَـ يافرات؟
وانت ذنبك مو ذنب يكَطر دِمه


تسابكِت بالطف عله حسين السيوف
وانت مايَك اول سهم في صدره إنرمه

جان مايك احد من كل السيوف
حيل اثر بحسين وآلمه

بس بنات المصطفى حر الجبود
حسين حر وهاي للحر تلِجمه

طاح ابو السجاد يَم جرفك شهيد
بين سيفين العده وسيف الضمه

آنه لو منك اودي وي الطيور الماي
خاطر منسأل ليش ولمه

لجن انت تريد تذنب يا فرات ؟
وهاي ماتحتاج شرح وترجمه

انفرط عقد الدين وعيونك تشوف
وجان ممكن شربه منك تلظمه

عطشيت الدين عن بكرت ابيه
وكَطعيت جفوف سبع الموزمه

تدري لو مايك وصل يم الخيام
جا روه العباس منهم صارمه

وجان ماردت رؤس إعله الرماح
جان ردت خيلهم تكَطر دِمه

شلون طاح حسين يم جرفك شهيد ؟
او ماركض مايك لعد جدمه إنرمه

طاعت اسماعيل صحراء الحجاز
وانت شح مايك لابن حامي الحمه

ما ظن اسماعيل افضل من حُسين
ولا أمه افضل من فاطمه

ذاك ابن واحد سأل ربه الجليل
كيف تحيي الموته وترد قائمه

وهذا بن حيدر علي سيف الرسول
الما يخاف بدينه لومة لائمه

الكَال لو ينكشف عن عيني الغطاء
مايزيد من اليقين الفاهمه

يافرات و بعد تجري يافرات ؟
المايشوف الحكَـ عسه بعينه العمه

كَوم طم روح حدر كَبر الحسين
واغتفر لله واطلب مرحمه

كَوم واغسل مايك برمل الحسين
وخلي مايك يانهر يتيممه

الفرق شوفه بينك وبين الكرام 
حسين شاف الدين عطشان لدمه

ضحه بآخر قطره من دمه الشريف
وظلت اخر قطره ثوره وقائمه

حسين اصل الجود وانت اصلك نهر
ويانهر للنبع انطه وكرمه

حسين صافي واصفه من ماي الجنان
وانت اصلك طين وجروفك طمه

حسين لو شرب منك جان ارتويت
وجا تشرف مايك اولامس فمه

لكن انت الحظ عماك وتيهيت
اوسوء حظك رادلك هالخاتمه




للشاعر الشهيد رحيم المالكي

Admin
Admin
نشاط العضو
نشاط العضو

عدد المساهمات : 584
تاريخ التسجيل : 31/05/2009
العمر : 22
ساكن في : الغربة

http://float.yoo7.com/

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى