منتدى الطوف
منتدى الطوف يرحب بكم , ونتمنى ان تقضوا اطيب الاوقات في المنتدى...,,,,,

مقطوعات شعريه وأبوذيات

استعرض الموضوع السابق استعرض الموضوع التالي اذهب الى الأسفل

متميز مقطوعات شعريه وأبوذيات

مُساهمة من طرف العراقي في 2009-12-01, 8:09 pm

مقطوعات شعريه وأبوذيات
أرادوني على اني ابوح..... .. وهل يتكلم القلب الجريح
نعم أهوى ولا اخفي غرامي ...... ومن شرف الهوى أني صريح




لخذ عقلي ومرد روحي هوانـــــه
وقلبي زادمن شوقه هوانــــــه
نعم نهوى ولا نخفي هوانــــــه
ومن أجل ألهوى نحمل أذيــــــــه



سألت أحبتي ماكان ذنبي ..... أجابوني واحشائي تذوب
فاذا كان المحب قليل حظ ...... فما حسناته ألا عيوب
*******


من أحبابي أناشد دوم والحاظ
أش ذنبي جاوبوني بخزر والحاظ
أذا كان ألمحب خالي البخت والحظ
تره احسانه تصير ذنوب هيـه


سأصبر حتى يعلم الصبر أني ......صبرت على شيء أحر من ألصبر
********

يحادي العيس بالله عليك أني
لمل يسمع شريك الروح أني
أريد أصبرواعلم الصبر أني
أمر من الصبر فركاك اليه

*****************


تشب ناري ولايبطل شبيها
العاذل مادره ابروحي شبيها
البدر لامثل محبوبي شبيها
أستعار النور منه وزاد ضيه

$$$$$$$$$$


بعد متفيد حسراتي وندماي
راح الكان اللي ونسه وندماي
خضاب الناس بالحنه وانا دماي
خضابي صار من عيني لديه





لا تدعني أموت في اشتياقا..... فتخذني لعبد عبدك عبدا

وديعه لعد غيرك لاتدعني
وعد اللي يغثني لا تدعني
أموتا بشتياقك لاتدعني
عبد عبدك أخذني ومن عليه

**********************



نصب الهوى علي شراكا فصادني .... ,اصبحت في شرك الهوى أتقلب
كعصفورة بيد طفل يسومني .......... ذوق مرار الموت والطفل يلعب
فلا الطفل ذو عقل يرق لحالتي .......... ولا الطيرمطلوق الجناحين فيهرب
************


نصب لي زماني شرك منصـــاد
شلع كبدي بيوم علي منصــاد
أصبحت عصفور بيد الطفل من صــاد
أرفرف والطفل يلعب عليه****************



أخفي محبتكم كي لاينم بنا ...... واش ولكن دمع العين يفضحني



حبيبي لا تظن الدهر سرنا
هجرنا ديارنا وللغرب سرنا
وحياتك ماظهر للناس سرنا
لكن دمعي فضحني وعن عليه

*****************



نزلنا دوحة فحن علينا ..... حنو المرضعات على الفطيم




علي هام العده شامخ نزلنا
صارت للنذل واحنا نزلنا
يمن لينه من ابدوحه نزلنا
حنين المرضعات يحن عليه

العراقي
عضو متميز
عضو متميز

عدد المساهمات : 149
تاريخ التسجيل : 28/11/2009
العمر : 73
ساكن في : العراق

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى