اريد افتح وياك باب الاعتاب

اريد افتح وياك باب الاعتاب
واكفر بلعشك لو بابة سدة
صاير ماتحس كلشي هلايام
وحيل تغيرت بيك المودة
رد كلمن يجيلك جنحة م**ور
بس م**ور خاطر لاتردة

يا اول عشك ياخذني لبعيد
يااول محب ياخذ كياني
زعلت وياك مرة وخلصت وياك
واني وياك صار وطلكاني
كلت انساك خاطر انسة لهموم
شو طلعت محبتك من اذاني
لو ادري بغيابك يهدم الحيل
جاكصيتة لعيونك لساني

تعال وشوف حالي جم جرح بية
مو بس جرح بيه حتة الروح ماذية
ياس خضر مابجال لو تسمع اغانية
تدري من يكول اعزاز نار وتشتعل بية


ما أجيك ولا تجيني ولا أجيك
يل بعتني الوكت غشاني بيك
لا وحك كل دمعة نزلت ماأجيك
وما أبيعك مو لأن غالي الثمن
ومولأن اني أحبك بس افكر
من ابيعك راح اغش اليشتريك

احذرك لوتريد تسوي عركة وياي
ماشايفني حقك لمن اتعرك
اشك حلكك ابوسة ومنك اخذ ثار
وبلكي تهد علية وتاخذ بثارك


تصح ومضة شعر تفرش دواوين
ويصح ديوان مايفرش حصيرة
وتصح كومة زلم ماتسوة فلسين
ويصح شخص مثلك يسوة عشيرة
من كد ماحلو محد مشة وياك
والماشاك هم ماظل يماشيك
هوة ماشاف دربة تعثر وطاح
لأ كضاها بس يعاين عليك

حلو وتنكلب ويختلف وضعك
وكذلتك طايرة وتلعب على الريح
الوحيد انت حلو ومحد يتبعك
لأن من تمر كلها ادوخ وتطيح

....تحياتي..........