دارميات جديدة لإستشهاد الإمام الكاظم

 دارميات جديدة لإستشهاد الإمام الكاظم (ع) 

دارميات خاصة للإمام الكاظم (عليهِ السَّلام)


يل علجسر مطروح مالك عشيره ..... ضلت عليك الناس حيرتها حيره


نبجي او نصيح ابصوت يا ويله هارون ..... بسجونه خله النور كل عمره مسجون


مات ابسجن مسموم شوفوا الفجيعه ..... ننصب عزا المظلوم قوموا يشيعه


حزنانه روحي تريد للكاظم تروح ..... اتذوب اويه المعزين بالدمعه و النوح


كلها تصيح ابصوت يا حيدر أحضر ..... مات ابسجن هارون موسى ابن جعفر


يا راهب أهل البيت يبن الزجيه ..... قبرك يشع بالنور بالكاظميه


للكاظم ابهل يوم و نادي باسمه ..... هذا ابن حامي الجار و الزهره أمه


باب الحوائج صار بابك يمظلوم ..... تتعنى اله الزوار ياموسى كل يوم


للرضا ابهذا اليوم رحنه نواسي ..... طايح أبوه مسموم شاف المأسي


يالمهدي صحنه ابصوت يالمهدي وينك ..... ريتك على المسموم شاهدت عينك


كوم أحرس الزوار شافت مصايب ..... بالذبح و التفخيخ من هالنواصب


يالمهدي إلك ثارات الله أكبر ..... و شسوى بيك امصاب موسى ابن جعفر





تمنيت أن يكون الساعدي حاضر حتى يرد على هذهِ الدارميات و تكتمل روعة الأحزان


أتمنى ممن يمتلك الإبداع أن يشاركنا بهذهِ التعزيه