قصيدة

قصيدة
دمعت عين المحراب

حفرت خد المحراب

ونصاب أبيوم أنصاب

هامك يابو الأيتام



هذا المكتوب...حيدر

توكع مصيوب...حيدر



ولو منهه النور أنباك

شتظن ياعين أتنام




علي أبمحرابه ساجد ل لله والعوز

مد أجفوفه ينطر جف يصيدة


بس حيدر الصادة وخاتم أنطاه

ولو موبيدة خاتم ينطي أيدة


علي (حيدرعلي) وكرار(أبو حسين)

صميدة ومثله بس هوه الصميدة


الحرب منه تخاف وموته يغشاه

قصيدة وضربته أبراس القصيدة


در وخلك الله أتراب

ومن جدمه لراسه أصيام

يمشي أعله الكاع أكتاب

وبترتيل الحــــــــك هام


أبدمعي المسجوب...حيدر

لكتب ماتـــــــــوب...حيدر


ولو منهه النور أنباك 

شتظن ياعين أتنام



علي أمفصل الكرامه ثياب للناس

ومن عنده الكرامه أخذت كرامه


أعله نار الغيرة يخبز جفه كل يوم

وخبز جفه يوزعه أعله اليتامه


ذو الفقاريدري أبحيدر أيطيح

بس مو بالحرب ساعت قيامه


سواهه قيامه أعله اليعادوه

وطبر راسه وبقه ينزف قيامه



وما نام أبحضن أكراب

ومايسمع كلمن لام

أيصوم ويفطر بركاب

ضرغام أبجف ضرغام


أبجف المحبوب...حيدر 

يصرخ مغصوب...حيدر


ولومنهه النور أنباك

شتظن ياعين أتنام


علي يضحك أذا شدت حرب يوم

ويبجي الليل يوميه وي عينه


علي محد يعينه أبحمله لو طاح

علي نفسه علي اليكدر يعينه


صايم بالعراق وجفه ممدود

يوزع أرزاق بحياءالمدينه


ورب الكعبه فزت بساعت الصاح

أنهدم من دين حيدر ركن دينه


ميت لاجن ينهاب

ومرعب كل الظلام

حيدرغاب وما غاب

نور أبعين الأسلام


أبحب حيدر ذوب...حيدر

حب يمحي أذنوب...حيدر


ولومنهه النور أنباك

شتظن ياعين أتنام

الشاعر حيدر كشمر الزيادي


 


______________