ما همني القهر

  
ماهمني القهر شفته ابزماني.. بس همني القهر وياك شفته
اموت اولا ابدلنك ابثاني...عجيبه اتوالمت وي غيري انته
وعجيبه بعد متهمك اماني...واني اسمك ابنص قلبي حفرته
خذت مني الفرح ضليت اتاني..ولو تدري الغياب اشلون عشته
ولو تدري ابعذابي اشكد اعاني....شفت الاه من ليل السهرته
غيابك يا غيابك عذباني...من خوف الملامه ادموعي سكته
امضيعه الراي ما ادري شجاني...حتى العيد ما همتني جيته
ولا تنطيني من وقتك ثواني...يل كل العمر مني اخذته
شفت اشلون كلشي انطيتك اني....وعلي حتى السلام انته بخلته
عايفني ابسعودية احزاني...رغم بعدك علي ودي لمسته
اعبرتلك قارات ابكل حناني...وصل يمك حناني وانته شفته
لكن من اعاتب حقي اني...ست اشهور كسري ما جبرته
يا فلاح مثلك يا اناني...امتاني المطر يسكيله وردته